Na VENANCE JOHN
Ndege ya Air Busan ya Korea Kusini imesema kuwa haitawaruhusu abiria kuweka vifaa vya kutunza umeme (power bank) kwenye mizigo iliyohifadhiwa kwenye maeneo ya juu. Hii ni baada ya leo kampuni hiyo ndege kusema kuwa moja ya ndege zake ziliteketea kwa moto wiki iliyopita.
Moto huo, ulitokea Januari 28 wakati wa kujiandaa kuondoka kuelekea Hong Kong, uligunduliwa kwa mara ya kwanza na mhudumu wa ndege katika pipa la mizigo la juu upande wa kushoto wa ndege hiyo na wote waliokuwa ndani ya ndege hiyo walihamishwa wakiwa salama. “Mifumo yoyote ya umeme inapaswa kuhifadhiwa na abiria ili joto lolote, moshi au moto uweze kuonekana haraka na kushughulikiwa” kampuni hiyo imesemea katika taarifa yake.
Uchunguzi unaoongozwa na mamlaka ya Korea Kusini kuhusu moto huo umeanza, lakini bado hakuna sababu iliyojulikana. Kulingana na wataalam ajali za ndege kila mara husababishwa na mchanganyiko wa mambo mengi.
Kampuni hiyo imesema mifuko ya kubebea mizigo ya abiria iliyo kaguliwa kwenye mageti ya kupanda na kugundulika kuwa haina power bank itawekwa alama na kisha kuruhusiwa kwenye mapipa ya mizigo ya juu.
Betri za lithiamu ni aina ya betri inayoweza kuchajiwa tena inayopatikana katika vifaa kama vile kompyuta za mkononi, simu za mkononi, kompyuta za mkononi, vipuri vya umeme na sigara za kielektroniki.
Viwango vya kimataifa vya usafiri wa anga vinasema kuwa ni lazima visiwekwe kwenye mizigo iliyo kaguliwa kwa sababu vinaweza kuwasha moto mkali iwapo vitapunguza mzunguko kwa sababu ya uharibifu au hitilafu za utengenezaji.
Comments