Na VENANCE JOHN
Polisi katika jiji la kibiashara la India Mumbai wamesema leo wanachunguza tishio la bomu kwa Benki Kuu ya India (RBI) baada ya kupokea barua pepe ya onyo la Urusi kuhusu shambulio la mlipuko. Afisa mkuu wa polisi wa Mumbai amesema onyo hilo lilitumwa kwa barua pepe rasmi ya Gavana mpya wa benki hiyo Bw. Sanjay Malhotra.
"Tumesajili kesi, na uchunguzi unaendelea," afisa huyo amesema. Shule, vituo vya reli, viwanja vya ndege na mashirika ya ndege nchini India mwaka huu yamekabiliwa na mamia ya vitisho vya mabomu ambayo mara nyingi yamekuwa ya uwongo.
Takriban shule 40 huko Delhi zilipokea tishio la bomu kwa barua pepe siku ya Jumatatu, huku mashirika ya ndege na viwanja vya ndege nchini India vilipata takriban vitisho 1,000 vya udanganyifu hadi Novemba mwaka huu, karibu mara kumi zaidi ya mwaka mzima wa 2023.
Comments