ALIYEMRUSHIA BOMU ALIYEKUWA WAZIRI MKUU WA JAPAN AHUKUMIWA KIFUNGO CHA MIAKA 10 JELA

Na VENANCE JOHN

Mahakama nchini Japan imempata na hatia mwanamume aliyemrushia bomu la bomba lililotengenezwa kienyeji aliyekuwa Waziri Mkuu wa Japan Fumio Kishida katika hafla ya kampeni ya 2023, na kumhukumu kifungo cha miaka 10 jela.

Mahakama ya Wilaya ya Wakayama imesema katika uamuzi huo wa leo kwamba Ryuji Kimura, mwenye umri wa miaka 25, anafahamu uwezekano wa kifo katika shambulio lake. Uamuzi huo umeelezea shambulio hilo kama changamoto kubwa kwa demokrasia na kusema kuwa lilileta hatari kubwa kwa watu wengi.

Waendesha mashtaka walikuwa wakitaka kifungo cha miaka 15 huku timu ya utetezi ikibishana kwa sababu kuwa Ryuji Kimura alikana kuwa na nia ya kutaka kumuua Kishida. Katika vikao vya kesi wakati wa kesi, mawakili wa Ryuji Kimura walisema kusudi lake lilikuwa kupata usikivu wa umma, kwa hivyo shtaka lake linapaswa kuwa alitaka kuumiza na sio kujaribu kuua.